قصيد أليمه

ياجماعة اقروو القصيده لللأخير
كانت بنت في السوق جاسة تطالع واحد بعين قوية
المهم الرجال طلع شاعر وما قصر فيها كم بيت عشأن تتأدب لكن المفأجاة هي ؟؟
تابع القصيده :
يقول

كل شبر بها لوسيعة ملك ربي تعلمين
وأعلم ان اللي خلقني هو خلق لك هالعيون
لكن انتي من جلستي وانتي فيني تحدقين
كن مابه ناس غيري بها الكراسي يجلسون
لو سمحتي عاد اسمعي وحتى لو ما تسمحين
المهم الي بقولة تسمعينه ويسمعون
ع الاقل ليا نظرتك سوي روحك تستحين
غضي طرفك مثل غيرك خوف ربعي يلمحون
الركادة عادة زينة والحياء في البنت زين
وفيك جازم لاركادة ولاحياء يذكرون
تعرفيني ؟ اعرفك ؟ مااذكر انا ملتقبن
لا اعرفك من تكوني ولا تعرفي من اكون
واطماني ان كان قصدك بس فيني تشبهين
ماهو انا الي تعرفيه والبشر يتشابهون
مادريتي من التشابة يخلق الله اربعين
وأعرف اربع يشبهنك بس والله يستحون
وان كان قصدك شي ثاني عاد قولي ويش تبين
خايف انا نصير فرجة واللي ماشتروا يتفرجون
واذا ببالك عاجبتني لا يحوشك تحلمين
صح ربعي من جمالك فيك صار يمدحون
بس وش لي في حلاتك دام فيها ترخصين
حشمة البنت وحياها والكرامة يلفتون
ولو توفر فيك هذا مع حلاتك تبشرين
ماهو انا الف غيري باب بيتك يطرقون
وش علامك رغم كل اللي اقوله وتسكتين
مو طبيعي هالسكوت وهالبرود وهالسكون
انتي خرسا أسألك ولامنتي تسمعين
قالوا ربعي ذي كفيفة قلت لالا تمزحون
لين شفتك يوم رحتي يمسكونك بالدين
مادريت الاعيوني أربع أربع يذرفون
اه ياني منه مشهد يوم شفتك ترحلين
جيت اشوف عيون ربعي لقيت الكل يدمعون
يالكفيفة يالعفيفه ان قلت اسف تقبلين ؟؟
يغفر الله ذنوب عبده ليا خطأ وهل تغفرون